Гуниглагчийн цонхон дор

Гуниглагчийн цонхон доорх
модны сүүдэр өглөө эрт
Дэрвэгэр цувтай өндөр хүүхэн айсуй яваа мэт сүүдэртэй
Үд дунд богинохон тайрмал үстэй /буржгар үстэй байж мэднэ/
Хүүхэн түүн руу харан инээмсэглэдэг...
Үдэш нар жаргахын алдад өнөөх мод
Дэрвэгэр огтор цувныхаа хормойг салхинд дэрвүүлсээр
алсад одчихдог
Шөнө дунд өнөөх бүсгүй мод
цонхон дор чимээгүйхэн үлгэр хүүрнэсээр үүрэглэн хонодог.
Гуниглагчийн цонхон дор...

2010.09.03 Сөүл хот.

Бэх нь хатаж амжаагүй шүлэг минь...