МИНИЙ ЗОЧИН

Машин техникээр бол би нилээн эртний загвар. 1970-аад оны хэлбэр дизайн жаахан муутай газ24 юм уу даа. Энд тэндээ будаг нь халцарч хонхойсон сэвтэй тэрэг гэсэн үг. Нөгөө л нэг ад үзээд байдаг социализмын бүтээгдэхүүн. Монголын пионерийн болоод зохиолчдын эвлэлийн гишүүн. Бас үгүй тангараг өргөсөн хүн. Нам мам гэж гүйж амжаагүй нэгэн. Миний багад аав ээж минь сар бүр тогтмол ном сэтгүүл авч өгдөг, зурагтын ганцхан сувагтай хэдий ч тэрүүгээр нь орой бүр хэрүүл гардаггүй байсан үеийн бацаан. Жаахан эртнийх болхоор Hard disk муу. Хэдэн оныг нь барин тавин хэлж чадахгүй ч хэдэн үсгээ холбоод “Нисдэг алим” үлгэрийн ном уншихчаан аядаад байснаа бол санадаг юм. Олон ч ном надад байсаан. Тэр үед амьдрал нийтлэг иймэрхүү л байлаа дөө. Хожим бурханы ивээлээр Монголын зохиолчдын эвлэл гэдэг лут байгууллагын нарийн бичгийн даргын албыг 5 гаран жил хаших их боломж надад тохиож билээ. Энд л олон олон хутагт хувилгаадтай танилцан ойртон дотносож билээ. Нөгөө л хүүхэд байхын уншдаг байсан үлгэрийг маань зохиосон З.Түмэнжаргал ахтайгаа ах дүүгийн барилдлага тавьж сахиус нэгтэй дүү нь болсон билээ. Энэ мэт сайхан дурсамжууд их ч гэлээ. Мөнхийн залуу эрч хүчтэй, шинийг эрэлхийлэгч уран бүтээлч бол яахын арга үгүй Түмээ ах юм. Францын алдарт Сорбоны их сургуульд багшилахын сацуу хамгийн сүүлд гурван хэл дээр хэвлэгдсэн “Ногоон аялгуу” ном мөн тун удахгүй хэвлэгдэх гэж буй “Гурвалжин аялгуу” хэмээх номуудаас нь уншигч олондоо танилцуулах гэж байна. Өөрөөс нь тусгайлан хүсэмжилж гуйсаны эцэст номынх нь эхийг аваад байгаа болно. Их ховор боломж шүү энэ. Блог хөтлөөд удаагүй ч би өөрийнхөө блогт МИНИЙ ЗОЧИН гэж булан нээж байна. Манайд зочилж буй уран бүтээлчидтэй та бүгдийг танилцуулж байхаар шийдсэн нь энэ.
Хамгийн эхний МИНИЙ ЗОЧИН Соёлын гавъяат зүтгэлтэн Д.Нацагдоржийн шагналт яруу найрагч Загдын Түмэнжаргал ахыгаа урилаа.

ЗУНЫ ДУНД САРЫН АРВАН ТАВНЫ ГАЛ ҮДЭД

Чааваас даа,
хоосон үзэмж...
Яасан хүйтэн байдаг юм бэ.
Чамтай уулзаад би
Хойт туйлд очсон мэт
Даарлаа.

English
Fifteenth Midsummer, at Noon

Oh, blast!
Playing a role.
I’m cold and stiff.
Meeting you at last
I shiver as if
I were at the North Pole.

French
Quinzième été, à midi

Tonnerre !
Jouant un rôle, moi
Tout raide et froid
-Enfin je vois
Et tremble comme
Au Pôle, -Toi.
“НОГООН АЯЛГУУ” номоос
By “THE GREEN MELODY”
“LA MELODIE VETRE”

АЙМААР

Аймаар юм,
Чи
нимгэн мөсөн дээгүүр яваа мэт
Амьдрах юм
Аймаар юм...

English
Very scary

How scary that you live
as if walking on ice
so thin it will give
Very scary

French
Avoir si peur.

Quelle est cette peur quand tu vis
Comme qui marche sur la glace
Si fine glace qu’elle te fait
Avoir si peur.

“НОГООН АЯЛГУУ” номоос
By “THE GREEN MELODY”
“LA MELODIE VETRE”


ЦЭНХЭР САРНЫ ТУЯА

Уран байгалийн хөгжим-
Шувуудын жиргээ сонсогдоно.
Урсах цагийн нулимс-
Улаан навчис зүсэрнэ.

Нүдэнд дулаахан бүсгүй чи
Юунд надтай учрав даа.
Нүгэлт энэхэн хорвоод
Хоосон уйтгарлах минь хэцүү.

Хөх тэнгэрийн уудамд
Шувууд дураараа цэнгэдэг.
Хүн болж төрсөн
Бидний заяа өөр шүү дээ.

Алгаа тоссон хүн бүхэнд
Аз жаргал заяадаггүйгээс хойш
Алаг хорвоогийн манан дунд
Нүдээрээ л уруул дээр чинь үнсэнэ.

English
Rays of the blue moon

Like the music of the creative nature
Birds’ twittering is to be heard
The tears of passing time –
Red leaves teem.

You, sympathetic girl
Why did you cross my way?
In this sinful world
It is hard to long hopelessly.

In the vastness of the blue sky
Birds enjoy at will
Born as human
Our fate is different.

Since not to everybody holding out his hand
Happiness is bestowed
In the mist of this motley world
I kiss with my eyes on your lips.

French

Rayons de la lune bleue

Tel la musique du divin
Sourd le gazouillis des oiseaux,
Sur les larmes du temps qui passe
Les feuilles rouges s’amoncellent.


Et toi, fille compatissante
Pourquoi croisas-tu mon chemin ?
En ce monde plein de péchés
L’attente est dure sans espoir.

Dans l’immensité du ciel bleu
Les oiseaux volent à l’envi
Hélas pour nous pauvres humains
Notre destin n’est point le même.

Puisqu’à celui qui tend la main
Le bonheur n’est pas accordé
Dans la brume du monde rouge
Je baise tes lèvres des yeux.

“НОГООН АЯЛГУУ” номоос
By “THE GREEN MELODY”
“LA MELODIE VETRE”