Pages

15 May 2010


.
.
.
.

БИЙР...

Би орчлонгийн хамгийн
Том бийр...
Нилэнхүйеэ цагаан дэвсгэр бүхий орчлонгийн
Гэрэл гэгээ, харанхуйг салган тусгаарлаж
Цэлэлзтэл мэлтэлзэх нулимс шигээ
Усан цэнхэрээр тэнгэрийг урласан
Би томоос том бийр...
Тархийг минь
Толгойг минь
Зовлонд дүрж
Цаг хугацаа
Цав цагаан хорвоог
Надаар л чимэглэдэг.
Угтаа оргүй хоосон
Жаргал зовлонг ялган урлаж
Унтарч буй тэнгэрийн ганц лааг
Нар сар хэмээн нэрлэж
Бурхадын мэлмийг одод мичид болгож
Надаар бичдэг...
Би орчлонгийн хамгийн том
Бийр...
Зүрхийг минь
Сэтгэлийг минь
Гунигаар шингэлж
Он жилүүд
Огтын байхгүй оршихуйг
Надаар л урладаг.
Миний тархиар л бүтээгдэх
Би энэ ертөнцийнхөө хамгийн том
Бийр...

2007.04.03 - 2009.11.21


Ойрдоо үзэг цаас /компьюторын ард суулгүй/ нийлүүлэлгүй удлаа. Хаврын уринд хүрзтэй нөхөрлөөд өөрөө өөртөө цаг илүүчилж завдалгүй нойронд автсаар хоног өдрүүдийг барж байна даа. Нөгөө Монгол кинонд гардагчлан уушийн газар халмагдуухан “ЦАГТАА БИ ТА НАРЫН ДЭЭГҮҮР ДАЛАЙН ТӨВШИНӨӨС 1500 МЕТРТ НИСЧ ЯВЛАА. БИ АРДЫН АРМИЙН НИСЭХ ХҮЧНИЙ АНГИЙН СӨНӨӨГЧ ОНГОЦНЫ НИСГЭГЧ БАЙЛАА...” гэдэг шиг л юм болж байна даа.
Заримдаа бодогддог юмаа. “Ингэж хоёрын хооронд бичигч байснаас бүүр больёо...” гэж тэглээ гээд юу ч өөрчлөгдөхгүй л юм чинь дээ. Монголын их утга зохиол над мэтийн шалдан бацаанаар дутна гэх биш, аль эсвэл ямар Янжаа эгчид тунирхаж байгаа биш, хэн ч хүчлээгүй хэн ч гуйгаагүй байхад дур зоргоороо бичиж эхлэсэн 16 насаа буруутгалтай биш. Яалтай ч эд билээ дээ.
Гэхдээ л би өөрийгөө хөгтэй хүн гэж боддог. Тэгж ч амьдардаг нэгэн. Тиймдээ ч сэтгэл зүрхнийхээ үг, уураг тархиныхаа төсөөлөл, хаанаас надад ирдэг нь мэдэгдэхгүй хачин мэдрэмжүүдээ цаасан дээр буулгахгүй байснаараа би өөрөө өөрийгөө л булшилж байна гэдгээ мэдэрсэн.
Ямартаа ч Сүхзориг миний бие бичсээр байгаа...

3 comments:

Б.Баясгалан said...

saihan shuleg baina ah mini... oird er taarsangui. ongodtoi yavaa bui za.

Baataraa said...

Ah uhaan sanaagaa tubluruulj urs huuhdee turuulseer l habar tsag saihan tsetsges urguulj baigaam bna amjilt husiii yer ni dajgui sanagdaj bna aa

Anonymous said...

ene shyleg taalagdlaa yag l zurag zurj yzeg biirniihee zoblong mederch bichsen baina . biirnii zoblon gedeg chin hyniil amidraliin zoblon jargal shydee engiin bogood gaihamshigtai baina Gaihamshig engiinees yysnee gej............