Pages

24 June 2010

.
.
.
.

Зиак хө. Утга уран зохиолын хэнээтэнгүүдэд зориулан миний бие болон яруу найрагч Я.Баяраа бидэн хоёр "Халаасны өрөө" сэдвээр шүлэг бичих чөлөөт бичлэгийн уралдаан зарласан билээ. Одоогоор надад хүмүүсийн уран бүтээл ирээгүй байна. Эрхэм дүүд явуулсан байж болох талтай. Товлосон хугацаа маань өнөөдөр тул ямартаа ч өөрийнхөө шүлгийг эхний ээлжинд сонирхуулъя...

Халаасны өрөө

Асуух хэрэггүй ээ
Оршин суугаа хаяг тодорхой үгүй
Айлын хажуу бөөрөнд амьдрал минь буцалж байна...
“Манайд тавтай тухла” гэсэн үг хориотой
Энэ миний буй байдал
Зузаан номны завсар хавчуулж хатаасан цэцэг шиг
Завсар зайгүй чихэлдсэн амьдралын нугачаанд толгойгоо хавчуулчихаад
бие хөсөр санжигнах амьдрал минь
Хаалганы чихран хяхтнах чимээ нь ч “зожиг” намайг адлах мэт
Хачин урт санаа алдалт дагуулах миний эрх чөлөөт амьдрал
Халаасны өрөө...
Асуух хэрэггүй ээ...

2010.06.24. 21,53 минут Сөүл хот

Гончигийн Сүхзориг.

3 comments:

Б.Баясгалан said...

та хоёр тэгээд түрүүлсэн хүндээ ямар шагнал өгөх юм? хэхэ

A.Амарсайхан said...

http://amarsaikhan.blogspot.com/2008/04/blog-post_21.html

Би энэ өгүүллэгээрээ оролцвол болох уу?

osohoooch said...

Хөөрүүлсэн сүүн дээр дусаасан
Ганц дусал кофе шиг
Хөрсөн хар цай шиг...
Хүний юм авчихаад буцааж өгөхгүй
Удах шиг
Хөндүүрлэх энэхэн хавьд...
Хөргөгчгүй айл махаа яаж хадгалах вэ
Хөөрөл баяраа яаж хананаас наана эдлэх вэ
Хөлсөлж суугаа өрөөндөө хэрхэн
Хүний дайтай амьдрах вэ...
Хүний газар ээжийгээ л их санах юм.
Халаасанд буй цааснууд сарын сүүлээр дуусаад
Халаасны эзэн надаас түрээсээ нэхвэл яах вэ
Хайж олсон эрх чөлөө минь
Дэндүү бачимхан бөгөөд
Хаанаас нь ч харсан тэг дөрвөлжин учраас
Гурвалжин би хайчих вэ...
Халаасны өрөө