Pages

04 January 2011

Чиний ширэв татаж одсон харц
Хаврын эхэн сарын гунигийг орхиж
Чамайг үнсэж, үдсэн уруул цээжин дэх хангалттай
тунирхалын үгээ тэсэн ядан барихдаа өмөлзссөн
Хачин зэврүүн
Хачин уйтгарт ертөнцийн
Гуравдугаар сар...

Савчин дайвалзах салхи нь
Чиний үнэрийг энгэрээс минь олоогүйдээ агсарч
Санасан сэтгэлийн хөндүүрээр минь тохуурхах
уйт хаврын зэвэргэн өдрүүдтэй
Хачин нууцлагдмал
Хачин хөндүүр сэтгэлийн минь
Гуравдугаар сар...

Гунигийн гучин зургаан цагтай хоног өдрүүдийг
элээж барахгүйдээ миний унагасан
Хачин шорвог нулимсанд минь
Хөөрхөн цэцэгсийн түрүүч хөх яргуй согтоод
мрагийн дуу дуулдаг
Чиний эзгүй
Чамайг санасан
Хачин уйтгарт ертөнцийн
Гуравдугаар сар...

2008.03.17 Улаанбаатар хот


Шинэ ондоо шинэ номоо хэвлүүлэх санаатай. Тун удахгүй.
Тэгээд энд тэнд дарагдаж мартагдсан хэд хэдэн тэмдэглэлийнхээ дэвтэрийг харж сууна.
Энэ шүлэг нилээн эртний дурлалыг маань санагдуулаад...

3 comments:

Г. Оргилболд said...

Шинэ оны мэнд...

Дурсамж бүхэн гэгээн байдаг даа

sukhzorig.g said...

bayarlalaa duu mini chamd ch bas shine onii mend xurgeye. Gegeen dursamj uldeesen busgui maani uuniig olj unshina gedegt itgej l suuna daa... kkkk

ineemseglel said...

Sain bnau?Erhem ahiinhaa ene udriin amar mendiig erey~Ahiinhaa blogoor orloo saihan boljee...Ter ih ajliin hajuugaar iim ih zuiliig amjuulaad hudulmurch shuu my ah ... za tsaashdiin buteel tuurvild tani unduruus undur amjilt husey~~