Pages

28 July 2010

.
.
.
.
???

Архины асуудал уу?
Хүнсний бүтээгдэхүүний тооноос хасагдчихсан юм уу?
Тамхи уу...
Хүмүүс тохиолдолын сексээс татгалзаж чадахгүй л байгаа шүү дээ...
Өвс үү
Хэтэрхий хүчтэй дурлалаас би айдаг хэвээрээ...

2006.07...

25 July 2010

.
.
.
.

Ардаас минь БУУД...

Юу ч битгий бод
Бүү эргэлз
Одоо гүнзгий амьсгаа ав
Овоо хараандаа
Намайг онил
Амьсгалаа түгж
Гохоо тултал нь атга
Гүйцээ...
Битгий ай
Сандрах хэрэггүй
Урдаас минь чи буудаж чадахгүй
Үхэлтэй тулсан хүний харцийг
чи тэсвэрлэж чадахгүй
Чи айсанаасаа болоод
Солиор ч мэднэ
Үхэхгүй бол би дайснаа танина
Чи айгаад байгаа юм уу даа
Зүгээр л
Ардаас минь БУУД...
Аль эсвэл БИ
Чамайг...

2009.06.23

10 July 2010

.
.
.
.

ТЭР ЗҮГ

Моддын шарласан навчис, цаг хугацааны төгсгөл рүү
Би алхана...
Хагацал гунигийг мартуулах диваажингийн зүг бус
Үүлс нүүж, сар жаргадаг тэр зүг би зүглэнэ
Тэнд үхэл амьдрал хоёр янагийн холбоотой
Би шарласан дурлалын дурсамж дундуур алхаж явна
Сэрчигнэн үлээх салхи хацрыг минь үнсэж одоод
Уруулын хээтэй навчис нь нүдийг минь халхална
Агуу их найрагчдын дурлалын дурсамж энд тэндгүй хөглөрч
Сэтгэл шархлуулсан хагацалын нулимс энд гол болон урсаад
Ёроолгүй гүн хар далай руу цутгана
Тэгээд
Ёолсон зүрхний шаналгаагаар эрчлэн давалгайлна
Цаг хугацааны төгсгөл зүүдээр хэмжигддэг
Цацрагч одод нь тунгалаг тод, өдөр ч гэрэлтдэг
Тэнгэр нь цалин цагаан, нилэнгүйеэ үүлс мэт
Салхи зүсэн нисэх шувуул энд алга
Сайхан зүстэй хурмастын дагинас тойрон нисэцгээнэ
Хачин гоё дуу хоолойтой
Хайраар зүрх нь хөглөгдчихсөн хурмастын эздэд
Хайрлуулах гэж дурладаггүй
Хагацалын дуу шүлгээр тэд өөрсдийгөө чимдэг
Гайхамшигтай.
Жаргалын зүүд зүүдэлдэггүй, хүсдэг ч үгүй
Зовлон уйтгар тэдэнд
Жаргал авчирдаг болохоор
Тэд өнгөрсөн үеийг ирээдүй гэж боддог
Би моддын шарласан навчис, дурлалын дуртадгал руу
Алхаж явна...

2002.10.07

"Эрх чөлөө - Миний сүүдэр" номын шүлгээс. Тэр нэгэн жилийн Болор цомын тайзан дээр уншиж байсан билээ. Саяхан л санагдаж байна.

04 July 2010

.
.
.
.

Бундан зүрхний толион дээр минь
Өрнө зүгийн хээрийн түймэр шиг бүсгүй
Flamingo товшиход сэтгэлийн чавхдас минь
чадлаараа Испани аялгуу эгшиглэсэн
Түймэр сэтгэлийг минь нилд нь
галдчихаад явчихсанаас хойш
Амархан хөг орчихдог чавхдаст зүрх минь
хөглөгдөхөөн больсон
Гуйлгаж ирээгүй шигээ
Тэр баяртай ч гэлгүй одсон
Гадар нь холцорсон эвдэрхий
гитар шиг болж хоцорсон зүрх минь
Үе үе салхи сийгхэд санаа алдах л дуутай үлдсэн.

2009.08.05 Ижинбү Пучеон хот